Kaloji 101 Jayanthi -- కాళోజీ 101 జయంతి 

                                                                   09-09-2015

ప్రజా కవి కాళోజీ నారాయణ రావు జయంతి ని " తెలంగాణా భాషా దినోత్సవం " గా ముఖ్యమంత్రి కె సి ఆర్ గారు ప్రకటించారు . ఆయన చేసిన సేవలకు గుర్తింపు గా ఆయన జయంతి 9 సెప్టెంబర్ తెలంగాణా భాషా దినోత్సవం ను అధికారికం గా నిర్వహిస్తున్నారు . తెలంగాణా భాషా చైతన్య కార్యక్రమాలు స్కూల్ లలో తెలంగాణా భాషా పై చర్చా  గోష్ఠులు , వ్యాస రచన పోటీలు , ఉపన్యాస పోటీలు నిర్వహిస్తారు . 

తెలంగాణా భాష , సాహిత్య రంగాల్లో విశేష కృషి చేసిన వారికి కాళోజీ స్మారక పురస్కారం ఇస్తారు . ఈ పురకారానికి ఈ సారి అమ్మంగి వేణుగోపాల్ గారు ఎన్నికయ్యారు . 

అమ్మంగి వేణుగోపాల్ గారు మెదక్ జిల్లా నారాయణఖేడ్ ప్రాంత వాసులు . హైస్కూల్ చదివేటప్పుడే ప్రేమచంద్,జైనేంద్ర కుమార్ ,విశ్వనాధ నవలలు చదివారు. ఉస్మానియా ఆర్ట్స్ కాలేజీ లో MA చదువు తున్నప్పుడు  లాల్ బహదూర్ శాస్త్రి మరణించినప్పుడు ఆయనను స్మరిస్తూ పద్యాలు వ్రాశారు . కాళోజీ ప్రసంగం విని ప్రభావితమై తెలంగాణా సమస్యలపై మూడు కవితలు వ్రాశారు . 2002 నుంచి తెలంగాణా కోసం కవిత్వం ప్రారంభించారు .

కాళోజీ గారు ఒక విశిష్టమైన వ్యక్తి . కాళోజీ తండ్రి మరాటి , తల్లి కన్నడ.  ( నిజాం పరిపాలనలో తెలంగాణా, మహారాష్ట్ర లోని భీడ్ ,ఉస్మానాబాద్ ,ఔరంగాబాద్ , పర్భని జిల్లాలు , కర్నాటక లోని బీదర్ ,రాయచూర్ ,గుల్బర్గా జిల్లాలు ఉండేవి ) .  ఆయన పుట్టింది వరంగల్ , చదివింది ఉర్దూ మీడియం , కవిత్వం తెలుగు .  భాషా , సాహిత్యం , సంస్కృతి రాజకీయ రంగాలను ప్రభావితం చేసిన మహానుభావుడు . 

తెలంగాణా మొదటి ఉద్యమం చల్లారిపోయినా కాళోజీ మాత్రం తెలంగాణా ను వదలి పెట్టలేదు . 1973 లో హుజురాబాద్ సభలో " రాష్ట్రం ఒకడిచ్చేదేంది ? పోరాడి సాధించుకుందాం " అని స్ఫూర్తి నిచ్చిన మహానుభావుడు . 

కాళోజీ కవిత్వం లో సరళ మైన భాష , ధిక్కార స్వరం మరియు మానవతావాదం కనిపిస్తాయి . 

కాళోజీ గారు తెలంగాణా భాష యాస లను ఎవరు కించపరచినా సహించేవారు కాదు . ఉస్మానియా విశ్వవిద్యాలయం తెలుగు శాఖాధిపతి గా పనిచేసిన రాయప్రోలు సుబ్బారావు గారు తరచుగా తెలంగాణా భాష యాసలను కించ పరుస్తూ మాట్లాడుతుండేవారు . ఇతను గైర్ ముల్కీ . గైర్ ముల్కీ అయిన సుబ్బారావు గారు  తెలంగాణా భాషను కించ పరుస్తూ మాట్లాడటాన్ని తీవ్రంగా పరిగణించిన కాళోజీ గారు ఈ క్రింది విధముగా స్పందించారు . 

లేమావి చిగురులను లెస్సగా మేసేవు 

ఋతురాజు వచ్చెనని అతి సంభ్రముతోడ 

మావి కొమ్మల మీద మై మరచి పాడేవు 

తిన్న తిండేవ్వారిదే కోకిలా 

పాడు పాటేవ్వారిదే ? 

అని సుతి మెత్తగా చురకలు అంటించారు.  

కాళోజీ కి మాత్రు భాష పట్ల ఎనలేని గౌరవం .మాతృ భాషను ఆదరించక పర భాష ల పై మోజు పెంచుకొని స్వ భాషను నిరాదరణ కు గురిచేయడాన్ని తీవ్రముగా పరిగణించి ఇలా స్పందించారు . 

తెలుగు బిడ్డవురోరి తెలుగు మాట్లాడుటకు 

సంకోచపడియెదవు  సంగతేమిటిరా ?

అన్య భాషలు నేర్చి ఆధ్రంబు రాదంచు 

సకిలించు ఆంధ్రుడా ! చావవేటికిరా ? 

శ్రీ శ్రీ గారిచే తెలంగాణా లూయీ అరగాన్ గా స్తుతించబడ్డ కాళోజీ ఆలోచనల్లో ఆచరణలో అసలు సిసలైన మానవతా వాది . ప్రపంచం బాధంతా శ్రీ శ్రీ బాధ అయితే  కాళోజీ గొడవంతా సగటు మనిషి గొడవ . కాళోజీ కి మానవత్వం పరమావధి . అతని దృష్టి లో సంఘాలు ,నియమాలు , సాంప్రదాయాలు మనిషి లోని కుళ్ళుకు మారు రూపాలు . అతను ఆశించిన సమాజం " మానవుని  మానవుడు మాదిరిగా చూడగలిగే సమాజం " అందుకే అతడు ప్రజాస్వామ్య విలువలకు గాని పౌర హక్కులకు గాని భంగం వాటిల్లితే సహించేవాడు కాదు . 

అన్యాయాన్ని ఎదిరిస్తే నా గొడవకు సంతృప్తి అన్యాయం అంతరిస్తే నా గొడవకు ముక్తి ప్రాప్తి . అన్యాయాన్ని ఎదురించినవాడే నాకు ఆరాధ్యుడు అని అన్నారు . "పుటక నీది , చావు నీది , బతుకంతా దేశానిది" అని జయప్రకాష్ నారాయణ మరణించిన సందర్భం లో  కాళోజీ అన్నారు . కాళోజీ తన కవిత్వం లో తెలంగాణా భాషను సహజ సుందరం గా ప్రయోగించారు . 

Kaloji Narayana Rao (9 September 1914 – 13 November 2002) more popularly known as Kaloji or Kalanna was an Indian poet, freedom fighter, Anti-fascist and political activist of Telangana. He was awarded the Padma Vibhushan in 1992.

Born	9 September 1914 Madikonda, Warangal,Hyderabad State (nowTelangana State), India
Died	13 November 2002 (aged 88) Warangal, Telangana StateIndia
Other names	Kaloji, Kalanna, Praja Kavi
Known for	Political activist, poet
Spouse(s)	Rukmini Bai Kaloji
Children తినలేక/ తినలేక –కాళోజి  ఒకడు కుతికెలదాక మెక్కినోడు మరొకడు మింగు మెతుకు లేనోడు ఇద్దరికీ గొంతు పెకలదు ఇద్దరికీ ఊపిరాడదు ఇద్దరి అవస్థకు ఒకే కారణం - తినలేక –కాళోజి	Ravi Kumar Kaloji

కాళోజీ నారాయణ రావు గారు తెలంగాణా ఆణిముత్యం . అందరికి ఆయన జయంతి శుభాకాంక్షలు 

http://seaflowdiary.blogspot.com/2014/09/kaloji-narayana-rao-kaloji-narayana-rao.html

                                                                                                            yours ,

                                                                                      www.seaflowdiary.blogspot.in