ఇంటర్ విద్యార్థులకు ఎందుకీ శిక్ష
                                                                                Date : 03-03-2017

ప్రస్తుతం ఇంటర్  విద్యార్థులు ప్రత్యక్ష శిక్షను అనుభవిస్తున్నారు ,వారికి  ఎందుకీ శిక్ష . ఈ సంవత్సరం  జూన్ నుండి ఇప్పటివరకు కాలేజీ వెళ్ళి బాగుగా నేర్చుకొని ఇంట్లో రాత్రి పగలు   చదివి   పరీక్షలకు తయారై నేడు పరీక్ష హాలుకు వెళితే శిక్షకు గురి అవుతున్నారు ,విద్యార్థులు  ఏం పాపం చేశారని ? వాళ్ళు సంవత్సరం అంతా  కష్ట పడి చదివి సంతోషం తో పరీక్ష వ్రాయాలని వెళితే ఫలితం ఇదా , వారు పడిన శ్రమ అంతా  వృధాయేనా ! కన్నీరు తుడువ గలరా ! 

ఏదో కంటితుడుపు హామీల వలన వారి గుండె బాధ పోగలదా ? 

ఉదయం 0845 గంట లకు కు పరీక్షా హాలుకు హాలుకు హాజరు కావడం  అందరికి  ఈ మన హైదరాబాద్ లో సాధ్యమా ? ఎక్కడో దూరం నుండి వచ్చి ఎక్కడో కాలేజీ లో చదువుకుంటే  పరీక్షలు కూడా కాలేజీ కి దగ్గరి సెంటర్లో వేసి లోనే వేశామని చేతులు దులుపుకోవడం కాదు . అసలు విద్యార్థి ఇంటికి ఆ పరీక్ష హాలు ఎంత దూరం లో ఉన్నది అనే విషయం పరిగణన లోనికి తీసుకోవాలిసిన పనిలేదా  , వారి రెసిడెన్సీ ని  బట్టి పరీక్ష సెంటర్ ను వేయాలి , అదేం కష్టమైనా పనా ! కాలేజీ లు కేవలం వందల సంఖ్యలో మాత్రమే ఉంటాయి అదీ కూడా చేయడం కష్టమైన పని గా సాధ్యం కాదని భావిస్తే ఎలా ?  . పరీక్షలు ఎప్పుడు నిర్వహిస్తారో 3-4 నెలల ముందే నిర్ణయిస్తారు ఆ సమయం  లో అన్ని జాగ్రత్తలు తీసికోవడానికి టైం సరిపోదా ? మనసుంటే మార్గం ఉంటుంది . 

పరీక్షలకు హాజరు అయ్యే విద్యార్థుల ప్రయాణ సౌకర్యం గురించి వారు ఇబ్బందులు పడకుండా హైదరాబాద్ జోన్ ED శ్రీ .పురుషోత్తం గారు 1000 బస్సులను ఉదయం 7 గంటలనుండి నడిపిస్తున్నారు,పర్యవేక్షక సిబ్బందిని కూడా ప్రధాన స్టాపుల్లో నియమించారు .  పోలీస్ వారుకూడా విద్యార్థుల కు  ఆలస్యం జరగకుండా ట్రాఫిక్ జామ్ కాకుండా నియంత్రిస్తున్నారు ,  వారిద్దరికి  విద్యార్థుల పట్ల ఉన్నప్రేమ కు ధన్యవాదములు .  

ఇక్కడ మన హైదరాబాద్ లో  విద్యార్థులకు ఆటంకాలు లేకుండా చేసిన  తక్కువే , పాపం  కొందరు విద్యార్థులు అనివార్య కారణాలతో అధిగమించి పరీక్ష హాలుకు చేరుకోవడం లో 1 నిమిశం  ఆలస్యమైనా హాల్లోకి వెళ్లకుండా చేయడం వలన  విద్యార్థులు కంట నీరు పెట్టుకొని వెనుతిరిగారు , వారి కంటి నీరు చూసి కూడా మన వాళ్లకు హృదయం కరగలేదంటే ఏమనాలి , మనం ఇంకా వలస విధానం లో ఉన్నామా అనిపిస్తుంది . వారు కూడా ఇలా చేసిన దాఖలాలు ఎక్కడా మనం చూడలేదు . 

పరీక్షలు ఉదయం 9 గంటలకు పెట్టి హాలుకు 0845 గంటలకే రావాలని ఆంక్షలు పెట్టడం  ఏమిటీ ? తెల్లారేదే  ఉదయం 0640 గంటలకు సూర్యుడు కూడా అప్పుడే ఉదయిస్తాడు ,  అంత ప్రొద్దున పరీక్షలు పెట్టి విద్యార్థులు ఒక్క నిమిషం లేటు అయినా అనుమతించక పోవడం అనే హుకుం జారీ చేసి వారిని అనుమతించక పోవడం ఎందుకు ? 

ఇదేమి అయినా ఉద్యోగ  నియామక పరీక్షలనా , లేదా IAS ,IPS సెలక్షన్ పరీక్షలా లేదా నామినేషన్ వేసి ఎలక్షన్ లో పోటీ చేయడానికా ? ఎలక్షన్ నామినేషన్ లో కూడా ఎక్కడా ఒక నిమిషం లేటు అని తిరస్కరించింది లేదు . ఇంటర్ విద్యార్థులు పసి పాపలు , మరి విద్యార్ధులకే అసలు పరీక్షా కంటే ఎందుకీ ఇదొక పరీక్షా ? 5-10 నిమిషాలు లేటైనా ఏమైనా కొంపలు అంటుకుంటాయా ? 

ఇంతకూ ముందు ప్రతి పరీక్షలో  30 నిమిషాలు అనుమతి ఉండేది, ఇప్పుడు 1 నిమిషం గా ఎలా మారింది  ఆ విషయం చట్టాలు చేసేవారికి తెలియదా , వారి పరీక్షలప్పుడు ఒక నిమిషం లేటు కాకుండా 0845 కె వెళ్ళారా! ఒక సారి గుండెపై చెయ్యి వేసుకొని చూస్తే ఈ రోజు విద్యార్థుల భవిషత్తు గందరగోళం లో పడేది కాదు . 

విద్యార్థులు దగ్గరి కాలేజీ లలో చదివితే అది వారి నేరమా ?  కాలేజీ లు  పెట్టి  ఎవరికి తెలియకుండా , కనిపించకుండా  గుప్పిట్లో దాచుకొన్నది కాదు , సంవత్సరమంతా కాలేజీ నడుస్తున్నది అందులో విద్యార్థులు చదువుతున్నారు అని  అందరికి తెలుసు అలాంటప్పుడు కాలేజీకి అనుమతి లేదని  పరీక్ష తెల్లారి ఉందనగా కూడా హాల్ టికెట్లు జారీ చేయకపోవడం , అనుమతి లేని కాలేజీ లో విద్యార్థులు చదువుతుంటే వారి భవిష్యత్తు ఏమిటని కాలేజీ లు నియంత్రించే వారికి ముందే తెలియకుంటే ఏమనుకోవాలి ,  రేపు exam ఉన్నప్పుడే ఈ  విషయం తెలియడం  ఈ కాలం లో మనం ఈ ఆధునిక  ఎలక్ట్రానిక్ యుగం లో ఉన్నామా  లేదా అనిపిస్తుంది .

కొన్ని పరీక్షా హాళ్లలో బయటి వెలుతురు లేదు , నిరంతర విద్యుత్తు ఉన్న ఈ సమయం లో కూడా  పరీక్షా హాళ్లలో వెలుతురు లేదంటే విద్యార్థులు పరీక్షా ఎలా వ్రాయగలరు . సీటింగ్ ఆరెంజ్ మెంట్ లో కూడా చిన్న పేపర్ పై చిన్నగా  ప్రింట్ చేసి బోర్డు పై అతికించడం  వలన  సీటు ,హాలు ,ఏ ఫ్లోరో ఉన్నదో  కనుక్కోవడం కూడా విద్యార్థులకు కష్టం గా ఉంది , అక్కడ చెప్పేవారు కూడా ఉండరు .  

కాలేజీ కి పర్మిషన్ లేకా , ఒక్క నిమిషం రావడం లో లేటై తే అనుమతింపబడని విద్యార్థులకు కంటితుడుపుగా అడ్వాన్స్ కు permission ఇస్తామని చెప్పి కంటి తుడుపు తో   చేతులు దులుపుకోవడం భావ్యమా ? 

ప్రస్తుతం మనం, మనం సాధించుకున్న మన రాష్ట్రం లో ఉన్నాము . అలాంటప్పుడు మన విద్యార్థుల భవిష్యత్తు పై  విద్యార్థులకు వారి తల్లి దండ్రులు పెట్టుకున్న  ఎన్నో ఆశలు మిగలకుండా ఉంటే ఎలా ! 

మరుసటి రోజు గాని ఇంటర్ రెండవ  సంవత్సర పరీక్షల లో గాని విద్యార్థులకు మొదటి రోజు జరిగిన బాధలను ఏమైనా తొలగించనట్లు దాఖలాలు ఏమి లేవు . 

            మన ప్రియతమ ముఖ్యమంత్రి శ్రీ. K C R గారు అందరిని , ప్రతి వారిని  అన్ని వేళలలో విద్యార్థులను కూడా ప్రతి విషయంలో అక్కున చేర్చుకుంటున్నారు .ప్రస్తుతం జరిగిన  ఈ తప్పిదములకు కారణలైన వారిని ఉపేక్షించ వద్దని , ఈ పరీక్షల  సమయం , పరీక్షల విధానం, స్పాట్ వాల్యుయేషన్  లో గణనీయమైన మార్పులు  విద్యార్థులకు ప్రయోజనం ఉండేటట్లు తీసుకురావాలని  ,ఇలాంటి తప్పిదాలు మున్ముందు జరగ కుండా చేయాలని  , మన ఈ విద్యార్థుల భవిష్యత్తుని కాపాడాలని   మన మందరం   మన ప్రియతమ నాయకుడిని కోరుకుందాం . తప్పకుండా వారు చేయగలరని ఆశిద్దాం  . --seaflowdiary 
.