ఆరోగ్యమే మహాభాగ్యం-5. Health is Wealth-5  

                                                                                                                    Date : 31-12-2016
                                                                                                   updated: 11-01-2017&26-01-2016
                                                                                                                  06-02-2017







మోరంగడ్డ - రత్నపురిగడ్డ

పోషకాలు మెండుగా లభించే వాటిల్లో మోరంగడ్డ ఒకటి. దీనితో కూర చేసుకోవడమే కాదు ఆరోగ్యకరమైన అల్పాహారంగా కూడా ఉపయోగించవచ్చు. దీన్నే చిలగడదుంప, స్వీట్‌పొటాటో అని కూడా పిలుస్తారు. వీటిని కాల్చి, ఉడికించి తింటే ఎంతో రుచికరంగా ఉంటాయి. యాసంగి సాగులో ఈ గడ్డను రైతులు ఎక్కువగా పండిస్తున్నారు. ఖర్చు తక్కువ... ఆదాయం ఎక్కువగా ఉండడంతో రైతులు ఈ సాగుపై ఆసక్తి చూపుతున్నారు. 

-తిరుమలగిరి, నమస్తే తెలంగాణ

-రుచికరమైంది.... ఆరోగ్యవంతమైంది

-మలబద్ధకం నివారిణి 

-రక్తంలోని చక్కెర నిల్వల నియంత్రణకు తోడ్పాటు 

-పుష్కలంగా విటమిన్-సీ లభ్యం 

అందమైన పొదలా పాకే మొరంగడ్డలో చాలా రకాలు ఉన్నాయి. తెలంగాణ ప్రాంతంలో ఎక్కువగా తెలుపు, లేత పసుపు, లేత ఎరుపు రంగులో ఉండే దుంపలే లభిస్తాయి. కానీ, పసుపు, నారింజ, ఎరుపు, గోధుమ, వంకాయ రంగుల్లోనూ ఈ దుంపలు ఉంటాయి. లేత పసుపు రంగు దుంపలతో పోలిస్తే మిగిలినవి తియ్యగా ఉంటాయి. ముఖ్యంగా చైనా, కొరియా దేశాల్లో చలికాలం సీజన్‌లో ఈ దుంపలను కాల్చి, బేక్‌చేసి విక్రయిస్తారు. ఉత్తర, దక్షిణ అమెరికాలో ఐస్‌క్రీమ్‌లు, కేకులుగా చేస్తారు. బంగాళదుంప మాదిరిగానే ఫ్రెంచ్, ఫ్రైస్, చిప్స్ తయారీకి కూడా ఉపయోగిస్తారు. మన దగ్గర కూరల్లో కూడా కలిపి వండుతారు. 

ఎన్నో పోషకాలు.. 

మొరంగడ్డకు రక్తంలోని చక్కెర నిల్వలను నియంత్రించే గుణం ఉండడంతో అమెరికన్ డయాబెటిస్ అసోసియేషన్ దీన్ని మధుమేహ రోగులకు మంచి ఆహారంగా పేర్కొంది. మొరంగడ్డలో ఉండే పీచు కొలెస్ట్రాల్‌ను తగ్గించడమే కాకుండా మలబద్ధకాన్ని నివారిస్తుంది. జీర్ణకోశాన్ని శుభ్రం చేస్తుంది. ఈ దుంపల్లో సంక్లిష్ట పిండి పదార్థాలు ఎక్కువగా ఉండడంతో గ్లైసెమిక్ ఇండెక్స్ తక్కువగా ఉంటుంది. పైగా ఇందులోని చక్కెరలు సహజమైనవి కాబట్టి రక్తంలో మెల్లగా కలుస్తూ శక్తిని అందిస్తాయి. 

ఫలితంగా బరువు పెరిగే ప్రమాదం కూడా తగ్గుతుంది. ఇందులోని విటమిన్ బీ6 శరీరంలోకి విడుదలయ్యే హోమోసిస్టీన్ రసాయనాలను తగ్గిస్తుంది. ఫలితంగా అనేక వ్యాధుల్ని ముఖ్యంగా హృద్రోగాలను ఎదుర్కొనే శక్తిని కలిగిస్తుంది. సిట్రస్ జాతి పండ్లలో మాదిరిగా ఇందులో విటమిన్ సీ కూడా పుష్కలంగా ఉం టుంది. శరీర జీవక్రియలకు అవసరమైన మెగ్నీషియం, పొటాషియం లాంటి ఎన్నో మూలకాలు ఉన్నాయి.

యాసంగిలో అధిక సాగు.. 

మొరంగడ్డ 120రోజుల పంట. యాసంగిలో దీన్ని ఎక్కువగా సాగుచేస్తారు. దీనికి నీటి అవసరం కూడా తక్కువే. వారం రోజులకు ఒకతడి ఇస్తే సరిపోతుంది. పెట్టుబడి కూడా తక్కువగా ఉండడంతో గిరిజనులు ఎక్కువగా సాగుచేస్తున్నారు. ఎకరాకు రెండు డీఏపీ బస్తాలు వాడి, ఒకసారి కలుపు తీస్తే చాలు. ఎకరాకు 60బస్తాల దిగుబడి వస్తుంది. సుమారుగా రూ.70వేల ఆదాయం పొందవచ్చు. పెట్టుబడి రూ.20వేలు పోయినా రూ. 50వేల వరకు రైతుకు మిగిలే అవకాశం ఉంది. 

ప్రతి ఏటా పండిస్తాం

ప్రతి ఏటా యాసంగిలో ఈ పంటను సాగుచేస్తా. ఈ సారి రెండు ఎకరాల్లో వేశాను. ఇప్పటికే కొంత తీశాం. శివరాత్రికి దీనికి బాగా డిమాండ్ ఉంటుంది. వ్రతం, ఒక్కపొద్దు ఉన్నవారు వీటిని ఎక్కువగా వాడుతారు. గతంలో వీటిని విక్రయించేందుకు ఇబ్బంది పడేవాళ్లం. ప్రస్తుతం వ్యాపారులు వ్యవసాయ క్షేత్రాల వద్దకే వచ్చి బస్తాకు రూ.1000 చొప్పున కొంటున్నారు. ఎకరానికి రూ.50వేల వరకు ఆదాయం వస్తుంది. 

నోటి దుర్వాస‌న పోవాలంటే 

నోటి దుర్వాస‌న ఇబ్బంది పెడుతుందా..? దాని వ‌ల్ల న‌లుగురిలో మాట్లాడాలంటే ఇబ్బందిగా ఉందా..? అయితే ఈ టిప్స్ మీ కోస‌మే. కింద ఇచ్చిన ప‌లు సూచ‌న‌లు పాటిస్తే నోటి దుర్వాస‌న స‌మ‌స్య నుంచి ఇట్టే బ‌య‌ట ప‌డ‌వ‌చ్చు. ఆ టిప్స్ ఏమిటో ఇప్పుడు తెలుసుకుందాం..! 

పెరుగు...

పెరుగులో ప్రోబయోటిక్స్ అధికంగా ఉంటాయి. ఇవి నోటి దుర్వాసనకు కారణమయ్యే బ్యాక్టీరియాను నాశ‌నం చేస్తాయి. దీంతో నోరు వాస‌న రాదు. పైగా తాజా శ్వాస‌ను అందిస్తుంది.

గ్రీన్ టీ...

గ్రీన్ టీలో ఫాలీ ఫినాల్స్ అనే కాంపౌండ్స్ ఉంటాయి. దీంతో ఇవి నోటి దుర్వాస‌న‌ను తొలగించడంలో ప్రముఖ పాత్ర పోషిస్తాయి. నోట్లో, నోటి లాలాజలంలో ఉన్న చెడు బ్యాక్టీరియాను నాశనం చేయడానికి ఈ ఫాలీఫినాల్స్ ఉపయోగపడుతాయి. క‌నుక నోరు వాస‌న‌గా ఉంటే ఓ క‌ప్పు గ్రీన్ టీ తాగ‌డం ఉత్త‌మం.

క్యాప్సికమ్...

పచ్చి క్యాప్సికమ్ తిడనం వల్ల నోటి దుర్వాసనను వెంటనే తొలగించుకోవచ్చు. వీటిలో విటమిన్ సి అధికంగా ఉంటుంది. ఇది నోట్లో ఉండే చెడు బ్యాక్టీరియాను తొలగిస్తుంది.

యాపిల్స్...

నోరు దుర్వాస‌న‌గా ఉంటే ఒక యాపిల్ పండు తిన్నా చాలు. యాపిల్‌లో ఉండే యాంటీఆక్సిడెంట్స్ నోట్లో యాసిడ్స్ ను క్రమబద్దం చేస్తాయి. శ్వాసను తాజాగా మారుస్తాయి. ముఖ్యంగా వెల్లుల్లి ఎక్కువ తినే వారిలో ఇటువంటి సమస్య వ‌స్తుంది. అయితే అలాంటి వారు వెల్లుల్లి తిన‌గానే యాపిల్‌ను తింటే చాలు. దాంతో నోటి దుర్వాస‌న కంట్రోల్ అవుతుంది.

లవంగాలు...

ల‌వంగాల‌ను మ‌నం నిత్యం వంట‌ల్లో ఎక్కువ‌గా ఉప‌యోగిస్తుంటాం. అయితే ఇవి నోటి దుర్వాస‌న‌ను పోగొట్టేందుకు కూడా ఉప‌యోగ‌ప‌డ‌తాయి. నోరు దుర్వాస‌నగా ఉంటే ఒక ల‌వంగంను నోట్లో వేసుకుని చ‌ప్ప‌రిస్తే చాలు. దాంతో ఆ స‌మ‌స్య నుంచి వెంట‌నే బ‌య‌ట ప‌డ‌వ‌చ్చు. దీని వ‌ల్ల నోరు తాజాగా మారుతుంది. చ‌క్క‌ని శ్వాస వ‌స్తుంది.

బ్రొకోలి...

బ్రొకోలిలో విటమిన్ సి అధికంగా ఉంటుంది. నోట్లో ఉండే బ్యాక్టీరియాను తొలగించడంలో ఇది చ‌క్క‌గా ప‌నిచేస్తుంది. నోటి నుంచి దుర్వాస‌న రాకుండా చూస్తుంది. శ్వాస తాజాగా ఉండేలా చేస్తుంది.

సోంపు...

దీని గురించి చాలా మందికి తెలుసు. నోరు రిఫ్రెష్ అవుతుంద‌ని సోంపును చాలా మంది వాడుతారు. ఎందుకంటే ఇందులో యాంటీ బాక్టీరియ‌ల్ గుణాలు ఉన్నాయి. ఇవి నోటిలో ఉండే బ్యాక్టీరియాను నాశ‌నం చేస్తాయి. దీంతో మ‌న‌కు చ‌క్క‌ని తాజా శ్వాస అంద‌డ‌మే కాదు, నోటి దుర్వాసన కూడా పోతుంది.

బ్లాక్ టీ  BLACK TEA

శ‌రీరానికి నూత‌న ఉత్సాహాన్ని, ఉత్తేజాన్ని ఇచ్చే వాటిలో కాఫీ, టీలు ముఖ్య‌మైన‌వి. అయితే నిత్యం మ‌నం తాగే కాఫీ, టీల క‌న్నా బ్లాక్ టీని ఎక్కువ‌గా తాగితే దాంతో మ‌న‌కు అనేక ప్ర‌యోజనాలు ఉంటాయ‌ని వైద్యులు చెబుతున్నారు. ముఖ్యంగా ప‌లు రకాల అనారోగ్యాల‌ను న‌యం చేసుకోవ‌చ్చ‌ని సైంటిస్టులు కూడా తెలియ‌జేస్తున్నారు. ఈ క్ర‌మంలో బ్లాక్ టీ ఎలా త‌యారు చేయాలంటే... పాలు, చ‌క్కెర లాంటివి క‌ల‌ప‌కుండా కేవ‌లం టీ పొడి వేసి మ‌రిగించాలి. అనంత‌రం వ‌చ్చే డికాక్ష‌న్‌నే బ్లాక్ టీ అంటారు. దాన్ని తాగితే మ‌న‌కు ఎలాంటి లాభాలు క‌లుగుతాయంటే... 

1. బ్లాక్ టీని నిత్యం తాగ‌డం వ‌ల్ల రోజంతా ఉత్సాహంగా ఉంటారు. యాక్టివ్‌గా ప‌నిచేస్తారు. ఒత్తిడి, ఆందోళ‌న వంటి స‌మ‌స్య‌లు దూర‌మ‌వుతాయి. 

2. బ్లాక్ టీలో ఉండే టానిన్స్ జీర్ణ‌క్రియ‌కు ఎంత‌గానో దోహ‌దం చేస్తాయి. ఇవి జీర్ణాశ‌యాన్ని శుభ్ర ప‌రుస్తాయి. ప‌లు ర‌కాల విష ప‌దార్థాల‌ను జీర్ణాశ‌యం నుంచి త‌రిమేస్తాయి. 

3. గుండె జ‌బ్బులున్న వారు నిత్యం బ్లాక్ టీ తాగితే మంచిది. దీంతో క‌రోన‌రీ ఆర్ట‌రీ డిస్ ఫంక్ష‌న్ అనే స‌మ‌స్య త‌గ్గుతుంది. ఆరోగ్యంగా ఉన్న వారు బ్లాక్ టీ తాగినా గుండె జ‌బ్బులు రావు. 

4. డ‌యేరియా స‌మ‌స్య‌తో స‌త‌మ‌త‌మ‌వుతున్న వారు ఒక క‌ప్పు బ్లాక్ టీ తాగితే ఉప‌శ‌మ‌నం ల‌భిస్తుంది. 

5. ద‌గ్గు, జ‌లుబు, ఆస్త‌మా వంటి శ్వాస కోశ స‌మ‌స్య‌ల నుంచి బ్లాక్ టీ గ‌ట్టెక్కిస్తుంది. నిత్యం బ్లాక్ టీ తాగుతుంటే ఆయా స‌మ‌స్య‌లు మాయ‌మ‌వుతాయి. 

6. చెడు కొలెస్ట్రాల్‌ను త‌గ్గించి మంచి కొలెస్ట్రాల్‌ను పెంచే గుణాలు బ్లాక్ టీలో ఉన్నాయి. బ్లాక్ టీ తాగ‌డం వ‌ల్ల అధికంగా ఉన్న కొవ్వు కూడా క‌రిగిపోతుంద‌ని అమెరిక‌న్ హార్ట్ అసోసియేష‌న్ చేసిన ప‌రిశోధ‌న‌ల్లో వెల్ల‌డైంది. 

7. పొగ తాగేవారిలో వ‌చ్చే పార్కిన్స‌న్‌ వ్యాధి నుంచి బ్లాక్ టీ ర‌క్షిస్తుంది. నిత్యం బ్లాక్ టీ తాగుతుంటే ఈ వ్యాధి వ‌చ్చే అవ‌కాశాలు త‌గ్గుతాయ‌ట‌. 

8. బ్లాక్ టీలో శ‌క్తివంత‌మైన యాంటీ ఆక్సిడెంట్లు ఉన్నాయి. ఇవి ప‌లు క్యాన్స‌ర్లు రాకుండా అడ్డుకుంటాయి. క్యాన్స‌ర్ క‌ణ‌తుల‌ను వృద్ధి చెంద‌నీయ‌వు. 

9. చ‌ర్మం ర‌క్షింప‌బ‌డాలంటే నిత్యం ఒక క‌ప్పు బ్లాక్ టీ తాగాలి. చ‌ర్మ స‌మ‌స్య‌లు ఉన్న‌వారు బ్లాక్ టీ తాగితే మంచిది. దీంతో వెంట్రుక‌లు కూడా సంర‌క్షింప‌బ‌డ‌తాయి. జుట్టు ఒత్తుగా పెరుగుతుంది. దృఢంగా మారుతుంది.

10. మ‌ధుమేహం ఉన్న వారు బ్లాక్ టీ తాగితే వారి ర‌క్తంలో ఉన్న గ్లూకోజ్ స్థాయిలు అదుపులోకి వ‌స్తాయి. 

11. దంత స‌మ‌స్య‌ల‌తో బాధ ప‌డే వారు నిత్యం ఒక క‌ప్పు బ్లాక్ టీ తాగితే మంచిది. దీంతో ఆ స‌మ‌స్య‌ల నుంచి ఉప‌శ‌మ‌నం ల‌భిస్తుంది.

ర‌కంగా ప‌ని చేసి బాగా అల‌సిపోయారా..? కీళ్లు, కండ‌రాల నొప్పులు, న‌రాల బెణుకులు ఉన్నాయా..? అయితే ఎప్సం సాల్ట్‌ను వేడి నీళ్ల‌లో క‌లిపి ఆ నీటితో స్నానం చేయండి. అంతే... ఆయా స‌మ‌స్య‌ల నుంచి వెంట‌నే ఉప‌శ‌మ‌నం ల‌భిస్తుంది. మార్కెట్‌లో మ‌న‌కు దొరికే ఎప్సం సాల్ట్‌ను తీసుకువ‌చ్చి స్నానం చేసే నీళ్ల‌లో దాన్ని రెండు స్పూన్ల మోతాదులో వేసి అనంతరం ఆ నీటితో స్నానం చేస్తే చాలు. అప్పుడు ఎప్సం సాల్ట్‌లో ఉండే మెగ్నిషియం అణువులు నీటిలో వెంట‌నే క‌లిసి దాంతో ఆ అణువులు మ‌న శ‌రీరంలోకి వెళ్తాయి. అప్పుడు ఆ అణువులు మ‌న దేహంపై వెంట‌నే ప్ర‌భావం చూపుతాయి. దీంతో కీళ్ల నొప్పులు, వాపులు, కండ‌రాల నొప్పులు, బెణుకులు ఇట్టే త‌గ్గిపోతాయి. నొప్పుల నుంచి ఉప‌శ‌మ‌నం ల‌భిస్తుంది. దేహం తేలిక‌గా మారుతుంది. 

ఎప్సం సాల్ట్‌తో పైన చెప్పిన ఉప‌యోగ‌మే కాదు, దాని వ‌ల్ల మ‌న‌కు ఇంకా ఇత‌ర లాభాలు కూడా ఉన్నాయి. అవేమిటంటే... ఉద‌యం, సాయంత్రం ఒక గ్లాస్ గోరు వెచ్చ‌ని నీటిలో రెండు టీస్పూన్ల ఎప్సం సాల్ట్ క‌లుపుకుని తాగాలి. ఇలా చేయ‌డం వ‌ల్ల ఆర్థ‌రైటిస్ స‌మ‌స్య ఉండ‌దు. ఎముక‌లు దృఢంగా మారుతాయి. మ‌ల‌బ‌ద్ద‌కం స‌మ‌స్య పోతుంది.

అనారోగ్య సమస్యలకు టిప్స్ 
జ‌లుబు, ద‌గ్గు లాంటి స్వ‌ల్ప అనారోగ్య స‌మ‌స్య‌ల‌కు కూడా చాలా మంది ఇంగ్లిష్ మెడిసిన్‌ను వాడుతున్నారు. దీంతో వ‌చ్చే సైడ్ ఎఫెక్ట్స్‌ను వారు ప‌ట్టించుకోవ‌డం లేదు. ఈ క్రమంలో ఆ సైడ్ ఎఫెక్ట్స్ కాస్తా ఇత‌ర అనారోగ్య స‌మ‌స్య‌ల‌కు దారి తీస్తున్నాయి. అయితే అలాంటి బాధ‌లు ప‌డ‌కుండా ఇంట్లో ఉన్న స‌హ‌జ సిద్ధ‌మైన ప‌దార్థాల‌తోనే ఆయా అనారోగ్య స‌మ‌స్య‌ల‌ను ఎలా దూరం చేసుకోవ‌చ్చో ఇప్పుడు తెలుసుకుందాం. 

జ‌లుబు, ముక్కు కార‌డం... 
న‌ల్ల మిరియాలు, దాల్చిన చెక్క‌, జీల‌క‌ర్ర‌, యాల‌కుల‌ను స‌మాన భాగాల్లో తీసుకుని వాటిని క‌లిపి మిక్సీలో పొడిలా ప‌ట్టుకోవాలి. అనంతరం ఆ పొడిని వాస‌న పీలుస్తూ ఉండాలి. ఇలా చేస్తే జ‌లుబు, ముక్కు కార‌డం వంటివి త‌గ్గిపోతాయి.

గొంతు నొప్పికి... 
ఒక టేబుల్ స్పూన్ నిమ్మ‌ర‌సం, ఒక టేబుల్ స్పూన్ తేనె, ఒక టీస్పూన్ న‌ల్ల మిరియాల పొడి, ఒక టీస్పూన్ స‌ముద్ర‌పు ఉప్పుల‌ను ఒక గ్లాస్ వేడి నీటిలో బాగా క‌లిపి ఆ నీటిని పుక్కిలిస్తూ ఉండాలి. దీంతో గొంతు స‌మ‌స్య‌లు పోతాయి.

నోటిలో పుండ్లకు... 

ఒక టేబుల్ స్పూన్ రాక్ సాల్ట్ తీసుకుని దాన్ని ఒక గ్లాస్ గోరు వెచ్చ‌ని నీటిలో వేసి బాగా క‌ల‌పాలి. అనంత‌రం ఆ నీటిని ప్ర‌తి భోజ‌నానికి ముందు నోట్లో వేసుకుని బాగా పుక్కిలించాలి. ఇలా చేస్తే నోటిలో పుండ్లు పోతాయి.

గాల్ స్టోన్స్‌... 

నిమ్మ‌ర‌సం, న‌ల్ల మిరియాల పొడిని బాగా క‌లిపి మిశ్ర‌మంగా చేసుకోవాలి. దీన్ని ఆలివ్ ఆయిల్‌తో క‌లిపి తింటుంటే గాల్ స్టోన్స్ పోతాయి. దాని వ‌ల్ల వ‌చ్చే నొప్పి కూడా తగ్గుతుంది.

అధిక బ‌రువుకు... 

1/4 టీస్పూన్ న‌ల్ల మిరియాల పొడి, 2 టేబుల్ స్పూన్ల నిమ్మ‌ర‌సం, 1 టేబుల్ స్పూన తేనెల‌ను ఒక గ్లాస్ గోరు వెచ్చ‌ని నీటిలో బాగా క‌లిపి ఆ నీటిని ఉద‌యాన్నే ప‌ర‌గ‌డుపున తాగాలి. దీంతో శ‌రీర మెట‌బాలిజం పెరుగుతుంది. ఇది అధిక బ‌రువును ఇట్టే త‌గ్గిస్తుంది.

ముక్కు నుంచి ర‌క్తం కారుతుంటే... 

ఏదైనా కార‌ణం వ‌ల్ల ముక్కు నుంచి ర‌క్తం కారుతుంటే అందుకు నిమ్మ‌ర‌సం బాగా ప‌నిచేస్తుంది. ఒక కాట‌న్ బాల్‌ను నిమ్మ‌ర‌సంలో ముంచి దాన్ని ముక్కులో పెట్టుకోవాలి. అయితే అలా చేసే స‌మ‌యంలో త‌ల‌ను కొద్దిగా ముందుకు వంచాలి. దీంతో ముక్కు నుంచి కారే ర‌క్తం ఆగుతుంది.

దంతాల నొప్పికి... 

1/2 టీస్పూన్ న‌ల్ల మిరియాల పొడి, అంతే మోతాదులో ల‌వంగ నూనెలను తీసుకుని బాగా క‌లిపి మిశ్ర‌మంగా చేసుకోవాలి. దీన్ని నొప్పి ఉన్న దంతాల‌పై రాయాలి. ఇలా రోజుకు రెండు సార్లు చేస్తే ఫ‌లితం ఉంటుంది. అయితే ఈ ఔష‌ధం వాడితే కొద్ది రోజుల వ‌ర‌కు చ‌క్కెర‌, దాని స‌హాయంతో చేసిన ప‌దార్థాల‌ను తిన‌కూడ‌దు.

ఆస్త‌మాకు... 

న‌ల్ల మిరియాలు కొన్ని, 2 ల‌వంగాలు, 15 తుల‌సి ఆకులు తీసుకుని వాటిని ఒక క‌ప్పు గోరు వెచ్చ‌ని నీటిలో వేసి 10 నిమిషాల పాటు అలాగే ఉంచాలి. అనంత‌రం మిశ్ర‌మాన్ని వ‌డ‌క‌ట్టి వ‌చ్చే ద్ర‌వాన్ని జార్‌లోకి తీసుకోవాలి. దాన్ని చ‌ల్లార్చి అందులో కొంత తేనె క‌లుపుకుని తీసుకుంటుంటే ఆస్త‌మా త‌గ్గుతుంది.

జ‌లుబు, ఫ్లూ జ్వరానికి... 

ఒక క‌ప్పు మ‌రుగుతున్న నీటిలో ఒక నిమ్మ‌కాయ‌ను పిండి అనంత‌రం ఆ తొక్క‌ను కూడా అందులో వేయాలి. దాన్ని 10 నిమిషాల ఉంచాక తీసేయాలి. అనంత‌రం ఆ నీటిలో 1 టీస్పూన్ తేనె క‌లిపి తాగాలి. ఇలా చేయ‌డం వ‌ల్ల జ‌లుబు, ఫ్లూ జ్వ‌రం త‌గ్గుతాయి.

వికారం... 
క‌డుపు అంతా ఉబ్బ‌రంగా అదోలా ఉండి, వికారంగా ఉంటే న‌ల్ల మిరియాల పొడి, నిమ్మ‌ర‌సం ను తీసుకుని వాటిని ఒక గ్లాస్ గోరు వెచ్చ‌ని నీటిలో వేసి బాగా క‌ల‌పాలి. అనంత‌రం ఆ నీటిని కొద్ది కొద్దిగా తాగుతుంటే వికారం త‌గ్గుతుంది.
                                                                          - seaflowdiary.blogspot.com  

రైతు విషాదం  - Poor Farmer 

                                      Date : 26-12-2016

దుర్గ్ : ట‌మోటా ధ‌ర‌ దారుణంగా ప‌డిపోయింది. మార్కెట్లో కిలో ట‌మోటా ఇప్పుడు రూపాయికే దొర‌కుతోంది. దీంతో ఆ పంట పండించిన రైతులు ఆగ్ర‌హానికి గుర‌య్యారు. త‌గ్గిన ట‌మోటా ధ‌ర‌ల‌కు నిర‌స‌న‌గా చ‌త్తీస్‌ఘ‌డ్‌లో రైతులు భారీ ప్ర‌ద‌ర్శ‌న చేప‌ట్టారు. దుర్గ్ న‌గ‌రంలో సుమారు 70 ట్ర‌క్కుల టమోటాల‌ను రోడ్డుపై పార‌పోశారు. ఆ ట‌మోటాల మీద నుంచే వాహ‌నాలు వెళ్లాయి.

ఒక రోజు టమాటా కిలో  రూ . 100 కి అమ్మబడిన రోజులు,కానీ  నేడు అదే టమాటా రూ . 1 కి కిలో , అది కూడా గిట్టుబాట లేక రైతు  రోడ్డు పై పారబోస్తున్న రోజులు . 

రాత్రి పగలు తేడా లేకుండా కష్ట పడి పండించిన టమాటా  మట్టి పాలు అవుతుంటే, దానిని పండించిన రైతు ఎంత బాధ పడుతాడో మనకు కళ్ళకు కట్టినట్లు కన్పిస్తుంది . ఎంతో  కష్టపడి భూమిని దున్ని ,నారు పెంచి నాటు వేసి  పెంచి ,నీరు అందించి , చీడ పురుగుల బారి నుండి  కాపాడి ఎండా వానలను  తట్టుకొని  టమాటా ను రైతు పండించడం పాపమా ? ఉల్లి ధర కూడా ఇలాగే ఉంది . మిగతా కూరగాయల ధర కూడా విపరీతం గా పడిపోయింది . రైతుకు చేను నుండి మార్కెట్ కు తెచ్చిన కూలి కూడా రావడం లేదు . పోనీ పంటను నిలువ చేసికోలేడు , అమ్మకపోతే కూరగాయలు  మురిగిపోతాయి  .  

అదే పారిశ్రామిక ఉత్పత్తి దారులకు తమకు ఎంత ఆదాయం వస్తుందో ముందే తెలుస్తుంది . 

మనది వ్యవసాయ దేశం , 70% మంది ప్రజలు రైతులే. ఇలా నష్టాల పాలు అవుతుంటే వ్యవసాయం చేయాలని ఎలా అనుకుంటాడు . అందుకే రైతులు వ్యవసాయం మానుకొని బ్రతకడానికి  పట్టణాల దారి పట్టి కూలి చేసుకుంటున్నారు . రేట్లు తగ్గితే కొనేవారు సంతోషించవచ్చు కానీ ఎంత కొనగలడు , ఎలా ఎన్ని రోజులు నిలువ ఉంచుకొనగలడు?

కొనేవారికి కూడా రైతు అవస్థలు చూసి బాధ పడగలడు . 

పారిశ్రామిక వర్గాలకు కల్పించే రాయితీలు ముందుగా రైతులకు కల్పించాలి . కనీసం పెట్టిన పెట్టుబడి కి రెండింతలైన ఆదాయం వచ్చునట్లు సౌకర్యాలు కల్పించాలి . వారు పండించిన ధాన్యం కానీ కూరగాయలు గాని ధైర్యం గా అమ్మగలనని నమ్మకం ఉండాలి , నిలువ ఉంచే సౌకర్యం కల్పించాలి ,  అప్పుడే రైతు మనోబలం తో వ్యవసాయం చేసి పంటలు పండించి మనందరికీ తిండి కల్పించగలడు . "రైతే రాజు ", " జై జవాన్ - జై కిసాన్ "

                                                                                                                            yours ,

                                                                                                          .        - seaflowdiary  

     Health is wealth - 4    ఆరోగ్యమే మహాభాగ్యం - 4
                                                                     Date : 23-12-2016
                                                                     updated: 31-12-2016

Ginger - అల్లం 

మ‌న‌కు ప్రకృతి ప్రసాదించిన వనమూలికల్లో అలం కూడా ఒకటి. భారతీయులు దాదాపు 5వేల‌ సంవత్సరాల నుంచి అల్లంను వంటల్లోనే కాదు అనేక ఔషధాల తయారీల్లో కూడా ఉపయోగిస్తున్నారు. అల్లంలో మ‌న శ‌రీరానికి ఎంతో అవ‌స‌ర‌మైన కీల‌క పోషకాలున్నాయి. దీంతో ప‌లు ర‌కాల అనారోగ్య స‌మ‌స్య‌ల‌ను ఇట్టే న‌యం చేసుకోవ‌చ్చు కూడా. ఈ క్ర‌మంలో అల్లం వల్ల మ‌న‌కు ఎలాంటి లాభాలు క‌లుగుతాయో ఇప్పుడు తెలుసుకుందాం. 

1. అల్లంలో యాంటీ ఆక్సిడెంట్స్ స‌మృద్ధిగా ఉన్నాయి. ఇవి స‌హజ సిద్ధ‌మైన యాంటీ ఫంగ‌ల్‌, యాంటీ వైర‌ల్‌, యాంటీ బ‌యోటిక్ ల‌క్ష‌ణాల‌ను క‌లిగి ఉండ‌డం వ‌ల్ల మ‌న శ‌రీరంలోని ఇన్‌ఫెక్ష‌న్ల‌ను తొల‌గిస్తాయి. రోగ నిరోధ‌క శ‌క్తిని పెంచుతాయి. 

2. ర‌క్తం శుద్ధి అవుతుంది. ర‌క్త స‌ర‌ఫ‌రా మెరుగు ప‌డుతుంది. ర‌క్త నాళాల్లో కొలెస్ట్రాల్‌, ర‌క్తం గ‌డ్డ‌కుండా చూస్తుంది. దీంతో గుండె సంబంధ స‌మ‌స్య‌లు రావు. 

3. నిత్యం అల్లం ర‌సం తాగుతూ ఉంటే కీళ్ల నొప్పులు త‌గ్గుతాయి. క‌డుపులో ఉండే అల్స‌ర్లు మానిపోతాయి. నోటి దుర్వాస‌న‌ను తొలగించుకునేందుకు అల్లం ర‌సం ఉప‌యోగ‌ప‌డుతుంది. నోటిలో చేరిన హానిక‌ర‌మైన బాక్టీరియా కూడా తొల‌గిపోతుంది. దంతాలు దృఢంగా మారుతాయి. 

4. షుగ‌ర్ వ్యాధి ఉన్న వారికి అల్లం ఎంత‌గానో మేలు చేస్తుంది. నిత్యం అల్లం ర‌సాన్ని ఉద‌యం, సాయంత్రం భోజ‌నానికి ముందు తీసుకుంటూ ఉంటే దాంతో షుగ‌ర్ అదుపులోకి వ‌స్తుంది. 

5. అల్లం ర‌సం తాగితే తిన్న ఆహారం స‌రిగ్గా జీర్ణ‌మ‌వుతుంది. ఆక‌లి లేని వారు అల్లం ర‌సం తాగ‌డం మంచిది. 

6. ద‌గ్గు, జ‌లుబు వంటి శ్వాస‌కోశ స‌మ‌స్య‌ల‌ను న‌యం చేయ‌డంలో అల్లం ర‌సం చాలా ఉప‌యోగ‌ప‌డుతుంది. 

7. అల్లం ముక్క‌ల‌ను కొన్నింటిని మ‌రుగుతున్న నీటిలో వేసి 10 నిమిషాల పాటు అలాగే ఉంచాలి. అనంత‌రం ఆ నీటిలో కొంత తేనె క‌లుపుకుని తాగితే ప‌వ‌ర్‌ఫుల్ యాంటీ బ‌యోటిక్‌గా ప‌నిచేస్తుంది. శ‌రీరంలోని ఇన్‌ఫెక్ష‌న్లు న‌యం అవ‌డ‌మే కాదు, ద‌గ్గు, జ‌లుబు వంటి స‌మ‌స్య‌ల నుంచి వెంట‌నే ఉప‌శ‌మ‌నం ల‌భిస్తుంది. క‌ఫం పోతుంది. 

8. పైన చెప్పిన విధంగానే అల్లంను వేడి నీటిలో వేసి మ‌రిగించాక అందులో కొన్ని చుక్క‌ల నిమ్మ‌ర‌సం వేసి క‌లుపుకుని తాగితే ఒళ్లు నొప్పులు త‌గ్గుతాయి. 

9. ఉద‌యాన్నే అల్లం ర‌సం లేదా అల్లంను అలాగే డైరెక్ట్‌గా తింటే గ్యాస్ స‌మ‌స్య‌లు పోతాయి. జీర్ణాశ‌యం శుభ్ర‌మ‌వుతుంది. 

10. రెండు టీస్పూన్ల అల్లం ర‌సంలో అంతే మోతాదులో నిమ్మ‌ర‌సం క‌లుపుకుని అందులో ఉప్పు వేసి తాగితే క‌డుపు నొప్పి త‌గ్గుతుంది.

జలుబు వెంటనే తగ్గాలంటే..?

వేరే ఏ కాలంలోనైనా జలుబు చేస్తే కాస్త త్వరగా తగ్గేందుకు అవకాశం ఉంటుంది, కానీ ఈ కాలంలో మాత్రం అలా కాదు. ఓ వైపు పొగమంచు, మరో వైపు చలి, దీంతోపాటు దుమ్ము, ధూళి విపరీతంగా వ్యాప్తి చెందడంతో జలుబు చేస్తే ఓ పట్టాన తగ్గదు. ఇందుకోసం చాలా మంది ఇంగ్లిష్ మెడిసిన్‌ను ఎక్కువగా ఆశ్రయిస్తారు. కానీ దాంతో పని లేకుండా మన ఇంట్లో ఉండే సహజ సిద్ధమైన పదార్థాలతోనే జలుబు నుంచి ఉపశమనం పొందవచ్చు. అదెలాగంటే... 

1. కొద్దిగా అల్లం దంచి రసం తీసుకోవాలి. దానికి సమాన భాగంలో తేనెను కలిపి ఆ మిశ్రమాన్ని సేవించాలి. అయితే ఆ మిశ్రమం రుచి నచ్చని వారు దాన్ని వేడి పాలలో కలుపుకుని కూడా తీసుకోవచ్చు. దీంతో ముక్కు దిబ్బడ, జలుబు వెంటనే తగ్గిపోతాయి. గొంతు నొప్పి నయమవుతుంది. 

2. ఒక పసుపు కొమ్మును తీసుకుని దాని చివర కొద్దిగా కాల్చాలి. అనంతరం ఆ కొమ్ము నుంచి వచ్చే పొగను పీలిస్తే వెంటనే జలుబు తగ్గిపోతుంది. అలా చేయలేని వారు కొద్దిగా పసుపును ఒక గ్లాస్ వేడి పాలలో కలుపుకుని తాగినా ఫలితం ఉంటుంది. 

3. అవిసె గింజలు కొన్నింటిని తీసుకుని ఒక పాత్రలో నీటిని పోసి అందులో ఆ అవిసె గింజలను వేయాలి. అనంతరం ఆ నీటిని బాగా మరిగించాలి. దీంతో చిక్కని ద్రవం తయారవుతుంది. దాంట్లో కొద్దిగా నిమ్మరసం, తేనె కలిపి తాగాలి. ఇలా రోజూ ఉదయం, సాయంత్రం రెండు సార్లు ఆ మిశ్రమాన్ని తాగితే జలుబు వెంటనే మాయమవుతుంది. 

4. ఒక పాత్రలో నీటిని తీసుకుని అందులో కొద్దిగా నల్ల మిరియాల పొడి వేయాలి. అనంతరం ఆ నీటిని మరిగించాలి. కొద్దిగా మరిగాక దాంట్లో కొంచెం జీలకర్ర వేసి మళ్లీ ఆ నీటిని మరిగించాలి. కొంత సేపటికి రెండు, మూడు చిన్న బెల్లం ముక్కలను ఆ నీటిలో వేసి బెల్లం పూర్తిగా కరిగే వరకు మళ్లీ ఆ నీటిని మరిగించాలి. అనంతరం వచ్చే మిశ్రమాన్ని వడబోసి వేడిగా ఉండగానే తాగేయాలి. దీంతో జలుబు, దగ్గు, గొంతు నొప్పి నుంచి వెంటనే ఉపశమనం కలుగుతుంది. 

5. ఒక పాత్రలో నీటిని తీసుకుని అందులో కొద్దిగా టీ పొడి వేసి మరిగించాలి. అందులో లవంగాలు, దాల్చిన చెక్క, అల్లం, నల్ల మిరియాల పొడి వేసి మళ్లీ ఆ నీటిని మరిగించాలి. చివర్లో కొద్దిగా పాలు కలుపుకుని దాన్ని మసాలా చాయ్‌గా చేసి తాగితే చాలు. జలుబు నుంచి ఇట్టే ఉపశమనం కలుగుతుంది. గొంతు నొప్పి కూడా మాయమవుతుంది.

ఇంటా... బయట... ఎక్కడ ఉన్నా ఇప్పుడు చలి చంపేస్తోంది. దీంతో జలుబు, దగ్గు వంటి శ్వాసకోశ సమస్యలు వస్తూ అవి ఓ పట్టాన తగ్గడం లేదు. చాలా మంది రోజుల తరబడి ఈ సమస్యలను ఎదుర్కొంటున్నారు. అయితే అలాంటి వారు టమాటాలతో చేసిన సూప్ ట్రై చేయవచ్చు. దీంతో జలుబు తగ్గుతుంది. దగ్గు రాదు. ఇతర అనారోగ్యాలు కూడా నయమవుతాయి. ఈ క్రమంలో టమాటా సూప్‌ను చలికాలంలో తాగితే ఎలాంటి లాభాలు పొందవచ్చో ఇప్పుడు తెలుసుకుందాం. 

రోగ నిరోధక శక్తికి... 

ఈ కాలంలో ఎవరికైనా రోగ నిరోధక శక్తి కొంచెం తక్కువగానే ఉంటుంది. బాక్టీరియా, వైరస్ ఇన్‌ఫెక్షన్లు వర్షాకాలంలోనే కాదు, ఇప్పుడు కూడా వచ్చేందుకు అవకాశం ఉంటుంది. ప్రధానంగా పొగ మంచు రూపంలో అవి ఒకరినుంచి మరొకరికి వ్యాపించవచ్చు. అయితే నిత్యం ఉదయాన్నే ఒక కప్పు టమాటా సూప్ తాగితే అలాంటి ఇన్‌ఫెక్షన్లకు చెక్ పెట్టవచ్చు. యాంటీ ఆక్సిడెంట్లు పుష్కలంగా ఉన్నందున టమాటా సూప్ తాగితే శరీర రోగ నిరోధక శక్తి పెరుగుతుంది. ముందు చెప్పినట్టుగా జలుబు, దగ్గు వంటి సమస్యలు కూడా పోతాయి. 

ఎముకల దృఢత్వానికి... 

టమాటాల్లో విటమిన్ కె, కాల్షియం ఎక్కువగా ఉండడం వల్ల ఎముకలకు ఎంతగానో మంచిది. ఎముకలు విరిగి అతుక్కుంటున్న వారికి, కీళ్ల నొప్పులు ఉన్నవారికి టమాటా సూప్ ఎంతగానో ఉపయోగపడుతుంది. నిత్యం ఒక కప్పు సూప్ తాగితే ఈ సమస్యలకు చెక్ పెట్టవచ్చు. 

గుండె జబ్బులకు... 

విటమిన్ సి ఎక్కువగా ఉండడం వల్ల టమాటా సూప్ తాగితే రక్త నాళాల్లో పేరుకుపోయిన అడ్డంకులు తొలగుతాయి. రక్త సరఫరా మెరుగుపడుతుంది. రక్తహీనత ఉన్నవారు టమాటా సూప్‌ను తాగితే మంచిది. చెడు కొలెస్ట్రాల్ పోయి మంచి కొలెస్ట్రాల్ వృద్ధి చెందుతుంది. దీంతో గుండె సంబంధ సమస్యలు రావు. 

మానసిక ఆరోగ్యానికి... 

ఎదిగే పిల్లలకు నిత్యం టమాటా సూప్‌ను ఇస్తే దాంతో రోజూ ఉత్తేజంగా ఉంటారు. చదువుల్లో రాణిస్తారు. మానసిక ఆరోగ్యం మెరుగు పడుతుంది. పొటాషియం ఎక్కువగా ఉన్నందు వల్ల నాడీ సంబంధ సమస్యలు పోతాయి. 

అధిక బరువుకు... 

టమాటా సూప్‌ను తాగడం వల్ల కడుపు నిండిన భావన కలుగుతుంది. ఎక్కువ సేపు ఉన్నా ఆకలి వేయదు. ఇది అధిక బరువు ఉన్న వారికి ఎంతగానో మేలు చేసే అంశం. 

క్యాన్సర్... 

లైకోపీన్, కెరోటినాయిడ్ అనే యాంటీ ఆక్సిడెంట్లు ఉండడం వల్ల పలు రకాల క్యాన్సర్లు రావు. క్యాన్సర్ కణతులు కూడా వృద్ధి చెందవు. ప్రధానంగా వక్షోజ క్యాన్సర్, ప్రోస్టేట్, కోలన్ క్యాన్సర్ వంటివి ఉన్నవారు టమాటా సూప్‌ను తాగడం మంచిది. 

మగవారి ఆరోగ్యానికి... 

2 వారాల పాటు టమాటా సూప్‌ను రోజూ తాగితే దాంతో మగవారిలో వీర్య వృద్ధి అవుతుందని పలు అధ్యయనాలు చెబుతున్నాయి. లైకోపీన్ వల్లే ఇది సాధ్యమవుతుందని సైంటిస్టులు చెబుతున్నారు. 

డయాబెటిస్... 

టమాటాల్లో క్రోమియం ఎక్కువగా ఉంటుంది. ఇది డయాబెటిస్ ఉన్నవారికి ఎంతగానో మేలు చేస్తుంది. వారి రక్తంలోని చక్కెర స్థాయిలు అదుపులోకి వస్తాయి. కనుక మధుమేహం ఉన్న వారు టమాటా సూప్‌ను రోజూ తాగడం మంచిది. అయితే సోడియం పదార్థం ఎక్కువగా ఉన్నందున నిత్యం ఒక కప్పు వరకు మాత్రమే టమాటాలను తీసుకోవాలి. అది దాటితే దాంతో శరీరంలో సోడియం పెరిగి తద్వారా కిడ్నీలు డ్యామేజ్ అయ్యేందుకు అవకాశం ఉంటుంది.

                                                                                       - seaflowdiary 

ఆరోగ్యమే మహాభాగ్యం -3 - Health is wealth - 3
                                                                      Date :08-11-2016
                                                                                                      updated: 11-11-2016,22-11-2016
                                                                                                                      24-11-2016,28-11-2016,                                                                                                                           01-12-2016


సబ్జా గింజల పానీయం త్రాగితే !

ఒంట్లో వేడి చేసిందంటే చాలు అప్ప‌ట్లో చాలా మంది స‌బ్జా గింజ‌ల‌ను నాన‌బెట్టుకుని వాటిలో చ‌క్కెర వేసుకుని ఆ పానీయాన్ని తాగేవారు. అయితే క్ర‌మంగా వాటిని అలా తాగేవారు త‌క్కువ‌య్యారు కానీ, ఆ పానీయం తాగితే దాంతో మ‌న‌కు ఎన్నో ర‌కాల ఆరోగ్య‌క‌ర ప్ర‌యోజ‌నాలు క‌లుగుతాయి. ఈ పానీయాన్ని ఉద‌యాన్నే తాగితే ఇంకా మంచిద‌ని ఆయుర్వేదం చెబుతోంది. ఈ క్ర‌మంలో స‌బ్జా గింజ‌ల వ‌ల్ల మ‌న‌కు క‌లిగే లాభాలు ఏమిటో ఇప్పుడు తెలుసుకుందాం. 

1. స‌బ్జా గింజ‌ల పానీయాన్ని తాగితే శ‌రీరంలో ఉన్న వేడి అంతా ఇట్టే హ‌రించుకుపోతుంది. 

2. చ‌క్కెర వేయ‌కుండా అలాగే స‌బ్జా గింజ‌ల నీటిని తాగితే దాంతో మ‌ధుమేహం అదుపులోకి వ‌స్తుంది. ర‌క్తంలోని గ్లూకోజ్ స్థాయిలు అదుపులో ఉంటాయి. 

3. త‌ర‌చూ డీహైడ్రేష‌న్‌కు గుర‌య్యే వారు స‌బ్జా గింజ‌ల పానీయం తాగితే మంచిది. దాంతో శ‌రీరంలోని ద్ర‌వాలు స‌మ‌తుల్యంలో ఉంటాయి. 

4. వికారంగా, వాంతి వ‌చ్చే విధంగా ఉంటే స‌బ్జా గింజ‌ల పానీయం తాగ‌డం ఉత్త‌మం. 

5. జీర్ణ సంబంధ స‌మ‌స్య‌లైన గ్యాస్‌, అసిడిటీ, అజీర్ణం, మ‌ల‌బ‌ద్దకం వంటి స‌మ‌స్య‌లు తొల‌గిపోతాయి. 

6. శ‌రీరంలో ఉన్న వ్య‌ర్థాలు బ‌య‌టికి వెళ్లిపోతాయి. ర‌క్తం శుద్ధి అవుతుంది. 

7. గొంతు మంట‌, ద‌గ్గు, ఆస్త‌మా, త‌ల‌నొప్పి, జ్వ‌రం వంటి అనారోగ్యాల‌ను పోగొట్టే స‌హాయ‌కారిగా ప‌నిచేస్తాయి. 

8. స‌బ్జా గింజ‌ల‌ను నీటిలో నాన‌బెట్టి ఆ నీటిలో ఒక టీస్పూన్ నిమ్మ‌ర‌సం, చ‌క్కెర వేసి తాగితే అజీర్ణ స‌మ‌స్య నుంచి బ‌య‌ట ప‌డ‌వ‌చ్చు. 

9. గ్లాసు స‌బ్జా గింజ‌ల పానీయాన్ని నిత్యం పిల్ల‌ల‌కు తాగిస్తే మంచిది. వారు ఆరోగ్యంగా ఉంటారు. 

10. రోజంతా నీటిలో నాన‌బెట్టిన స‌బ్జా గింజ‌ల‌ను రాత్రి పూట పానీయం రూపంలో తాగితే దాంతో అధిక బ‌రువు త‌గ్గిపోతుంది. స్థూల‌కాయుల‌కు ఇది మేలు చేసే అంశం. అంతే కాదు, ఆ పానీయం స‌హ‌జ సిద్ధ‌మైన యాంటీ బ‌యోటిక్‌గా ప‌నిచేస్తుంది. ప‌లు ర‌కాల ఇన్‌ఫెక్ష‌న్లు ఉంటే పోతాయి. 

11. నీటిలో వేయ‌గానే జెల్ మాదిరిగా మారే స‌బ్జా గింజ‌ల్లో శ‌రీరానికి అవ‌స‌ర‌మైన ఫ్యాటీ యాసిడ్లు, పీచు ప‌దార్థం స‌మృద్ధిగా ఉంటాయి. ఇవి మ‌న శ‌రీరానికి అత్యంత అవ‌స‌రం. 

12. స‌బ్జా గింజ‌ల పానీయం తాగితే మ‌హిళ‌ల‌కు ఫోలేట్‌, నియాసిన్, విట‌మిన్ ఇ వంటి పోష‌కాలు ల‌భిస్తాయి. ఇవి వారికి ఎంత‌గానో అవ‌స‌రం. 

13. గోరువెచ్చని నీటిలో నానబెట్టిన సబ్జాలకు అల్లం రసం, తేనే కలిపి తాగితే శ్వాసకోస వ్యాధులు తగ్గుముఖం పడతాయి.

జామపండు ఆరోగ్యానికి దివ్యౌషధం

జామపండు ఆరోగ్యానికి దివ్యౌషధమని వైద్య నిపుణులు చెబుతున్నారు. దీర్ఘకాలిక, ప్రాణాంతక వ్యాధు లైన క్యాన్సర్, మధుమేహం, గుండె రోగాల బారిన పడకుండా కాపాడుతుందని, ఒంటి నొప్పులు తగ్గించి ఆకలి పెంచడంలో ఉపయోగపడుతుందని సూచిస్తున్నారు. అయితే జామకాయలు ప్రస్తుతం శీతాకాలంలో అధికంగా లభిస్తాయి. సీజనల్‌గా లభించే ఈ జామపండులో అనేక పోషక విలువలున్నాయి.

జీర్ణశక్తికి దోహదం..

ఎన్నో పోషక విలువలున్న జామ దివ్యౌషధం లాంటిది. ఆహారం తీసుకున్నాకా జామ కాయో, పండో తింటే తొందరగా జీర్ణమవుతోంది. గ్యాస్ట్రిక్ సమస్యలు, జలుబు దూరమ వుతుంది. మధుమేహ వ్యాధి ఉన్న వారికి మంచి ఆహారం.

దంత సంరక్షణలో..

రోజూ దోర జామకాయ తింటే ప్రొస్టేట్ క్యాన్సర్‌ను అరికట్ట వచ్చు. పచ్చికాయ తింటే చిగుళ్లు, దంతాలు గట్టిపడతాయి. జామలో విటమిన్-సీ అధిక మొత్తంలో ఉండడంతో చిగుళ్ల నుంచి రక్తం కారడం ఆగుతుంది. ముక్కలుగా తరిగిన పచ్చి జామకాయ ముక్కలను బాగా ఎండబెట్టి, దానికి అర చెంచా మిరియాలు, అర చెంచా సైంధవ లవణాన్ని వేసి, మెత్తగా పొడిచేసి సీసాలో నిల్వ చేసుకుని రోజు పళ్ల పొడిలా వాడితే దంతాలు గట్టి పడటమే కాకుండా చిగుళ్ల సమస్యలు దూరమవుతాయి.

మల బద్ధకం నివారణలో:

బాగా పండిన జామ పండ్లకు కొద్దిగా మిరియాల పొడిని చేర్చి, నిమ్మరసం చిలకరించుకొని తింటే మలబద్ధకం సమస్య దూరమవుతుంది. అతిసారా, జిగట విరేచనాలు, ఇరిటబుల్ బోవెల్ సిండ్రోమ్, గర్భిణుల్లో వాంతులు ఉన్నప్పుడు దోర జామకాయను కషాయం గానీ, మజ్జిగలో కలుపుకుని తాగితే చక్కని ఫలితం కనిపిస్తుంది.

శారీరక బలానికి..

బాగా పండిన జామపండ్ల గుజ్జులోంచి గింజలు తొలగించి పాలు, తేనే కలిపి తీసుకుంటే విటమిన్-సీ, క్యాల్షియం మెండుగా లభిస్తాయి. పెరిగే పిల్లలు, గర్భిణులు, దీనిని టానిక్‌లా వాడవచ్చు. క్షయ, ఉబ్బసం, బ్రాంకటైటీస్, గుండె బలహీనత, కామెర్లు, హైపటైటీస్, జీర్ణాశయపు అల్సర్లు, మూత్రంలో మంటలాంటి అనేక రకాల సమస్యల్లో శక్తి చేకూర్చేందుకు ఎంతగానో ఉపయోగపడుతుంది.

జలుబు నుంచి ఉపశమనానికి..

విటమిన్-సీ అధిక మొత్తాల్లో ఉండడంతో వైరస్ కారణంగా వచ్చిన జలుబు నివారణకు జామ బాగా పనిచే స్తుంది. కానీ జామలో ఉండే సహజమైన కవ ప్రకోవకర అంశాలతో కొంత మందికి జలుబు తగ్గాల్సింది పోయి, పెరిగే అవకాశం ఉంటుంది. ఈ సమస్యను అధికమించేందుకు జామ ను కొద్దిగా నిప్పుల మీద వేడి చేసి, సైందవ లవణాన్ని, మిరియాల పొడిని కలిపి తీసుకుంటే మంచి ఫలితం ఉంటుంది.

అధిక దప్పిక తీరేందుకు..

జామ పండ్లను చిన్న సైజు ముక్కలుగా తరిగి తాగు నీళ్లలో మూడు గంటల పాటు నానేసి, ఆ నీళ్లను దాహం తీరేంత వరకు తాగితే అధిక దప్పిక నుంచి ఉపశమనం లభిస్తుంది.

తలనొప్పి, మైగ్రెయిన్ నివారణలో..

దోర జామపండును సానరాయి మీద గంధం చేసి, నుదుటి మీద లేపనంలా రాస్తే తలనొప్పి తగ్గుతుంది. మైగ్రెయిన్‌తో బాధపడేవారు దీనిని సూర్యోదయానికి ముందే ప్రయోగిస్తే చక్కని ఫలితం కనిపిస్తుంది.

నిమ్మతో అందాలకు మెరుగు 

 ఆయుర్వేదంలోనూ, ప్రజల వాడుకలోనూ నిమ్మ, నిమ్మజాతి ఫలాలైన కమలా, నారింజ, దబ్బ మొదలగు ఫలాలు ఎంతో ప్రాధాన్యాన్ని సంతరించుకున్నాయి. పుష్కలంగా పోషకాలు, సౌందర్య గుణాల కారణంగా నిమ్మ ప్రత్యేకతను సంతరించుకుంది. నిమ్మ ప్రత్యేకత గురించి విశేషాలు..

- నిమ్మకాయ పిండిన నీటిలో చేతులు ముంచితే మృదువుగా ఉంటాయి.

- మందార ఆకుముద్దలో నిమ్మరసం జోడించి, జుట్టుకి పట్టించి గంట సేపు ఆరనిచ్చి తలస్నానం చేస్తే మీ కేశ సంపద బాగా అభివృద్ధి చెందుతుంది. 

- నిమ్మరసానికి అంతేమొత్తంలో పాలు కలిపి, రాత్రి పడుకోబోయే ముందు ముఖానికి పట్టించి ఉదయాన్నే వేడినీటితో కడుక్కుంటే మెరిసే ముఖఛాయ సొంతమవుతుంది.

- నిమ్మరసంలో మెట్టతామర ఆకుల రసం కలిపి పై పూత మందుగా రాస్తూంటే చర్మవ్యాధులు దూరమవుతాయి.

- తేనె, మీగడ, నిమ్మరసం కలిపిన మిశ్రమాన్ని పేస్టులా చేసి ముఖానికి రాసుకొని కాసేపయ్యాక కడిగేస్తే బ్లీచింగ్‌లా పనిచేసి ముఖం తలతలా మెరుస్తూ ఉంటుంది.

- శరీరంపై దురదలున్న చోట గసగసాలు, నిమ్మరసం, కలిపి రాస్తే చక్కటి ఫలితం ఉంటుంది.

- కొబ్బరి నూనెలో నిమ్మరసం కలిపి తలకు పట్టిస్తే చుండ్రుపోతుంది.

- ప్రతిరోజూ ఉదయం పూట నిమ్మకాయ రసం తలకు మర్దనా చేసుకుని పూటకో మారేడుపండు చొప్పున రెండు నెలల తింటే ఉన్మాదం నయమవుతుంది. 

- చేపలు, మాంసం వంటివి తింటున్నప్పుడు చిన్న ఎముక తునకలు, చేపముళ్లు వంటివి ఏమైనా గొంతుకడ్డం పడితే, నిమ్మరసం కొద్దికొద్దిగా మింగడం ద్వారా వాటి అడ్డు తొలగించుకోవచ్చు!

- అరకప్పు పెరుగులో రెండు స్పూన్ల నిమ్మరసం కలిపి చేతులకు, ముఖానికి రాసుకొని చల్లటి నీటితో కడిగితే చక్కటి మాయిశ్చరైజర్‌గా పని చేస్తుంది.

- జాండీస్ వస్తే 30 గ్రాముల నిమ్మరసం నీటిలో కలిపి తాగుతుంటే కామెర్ల వ్యాధి త్వరగా తగ్గుతుంది.

హైబీపీని తగ్గించే ఎఫెక్టివ్ టిప్స్ 

బీపీ ఎక్కువ‌గా ఉండ‌డం వ‌ల్ల మ‌న శ‌రీరానికి ఎంత‌టి న‌ష్టం క‌లుగుతుందో అంద‌రికీ తెలిసిందే. హార్ట్ ఎటాక్‌ల‌కు అది దారి తీస్తుంది. గుండె జ‌బ్బుల‌ను క‌లిగిస్తుంది. చివ‌రిగా ప్రాణాల‌కే ముప్పు తెచ్చి పెడుతుంది. క‌నుక ఎవ‌రికైనా బీపీ కంట్రోల్‌లో ఉండాల్సిందే. ఈ క్ర‌మంలో బీపీ త‌గ్గాలంటే ఏం చేయాలో ఇప్పుడు తెలుసుకుందాం. 

నిమ్మ‌ర‌సం...

నిమ్మ‌కాయ‌ల్లో సి విట‌మిన్ ఎక్కువ‌గా ఉంటుంది. యాంటీ ఆక్సిడెంట్లు, మిన‌ర‌ల్స్ కూడా ఎక్కువే. ఇవి గుండెకు వెళ్లే ర‌క్త నాళాల‌ను మృదువుగా ఉండేలా చేస్తాయి. వాటిలో ఏవైనా ప‌దార్థాలు ఆగిపోయి ఉంటే వాటిని తొల‌గించేందుకు దోహ‌ద‌ప‌డుతాయి. అంతేకాదు, అధికంగా ఉన్న బీపీ కూడా నిమ్మ‌ర‌సం తాగితే వెంట‌నే త‌గ్గిపోతుంది. అందుకు ఏం చేయాలంటే ఒక క‌ప్పు గోరు వెచ్చని నీటిలో స‌గం నిమ్మ ముక్క‌ను పూర్తిగా పిండి అనంత‌రం ఆ నీటిని తాగాలి. దీంతో బీపీ డౌన్ అవుతుంది. దీన్ని నిత్యం ఉద‌యాన్నే ప‌ర‌గ‌డుపున తాగుతుంటే బీపీ క్ర‌మంగా అదుపులోకి వ‌స్తుంది.

వెల్లుల్లి...

గుండెకు సంబంధించిన వ్యాధులు రాకుండా చూడ‌డంలో వెల్లుల్లి అమోఘంగా ప‌నిచేస్తుంది. ర‌క్తంలో ఉన్న చెడు కొలెస్ట్రాల్‌ను త‌గ్గించి మంచి కొలెస్ట్రాల్‌ను పెంచుతుంది. కొవ్వు క‌రిగేలా చేస్తుంది. బీపీ నియంత్ర‌ణ‌కూ ఉప‌యోగ‌ప‌డుతుంది. నిత్యం 1, 2 వెల్లుల్లి రేకుల‌ను బాగా న‌లిపి 15 నిమిషాలు ఆగాక ప‌చ్చిగానే తినాలి. అలా తిన‌లేని వారు వాటిని పాల‌తోనూ తీసుకోవ‌చ్చు. లేదంటే ఏదైనా కూర వండాక దాంట్లో క‌లుపుకుని తిన‌వ‌చ్చు.

అర‌టిపండు...

పొటాషియం అధికంగా ఉండ‌డం వ‌ల్ల అర‌టిపండు బీపీని అదుపు చేయ‌డంలో ఎంత‌గానో ఉప‌యోగ‌ప‌డుతుంది. బీపీ బాగా ఉంటే వెంట‌నే ఒక అర‌టిపండును తినాలి. దీంతో బీపీ అదుపులోకి వ‌స్తుంది. అంతేకాదు, అర‌టిపండును నిత్యం ఆహారంతోపాటు తీసుకుంటుంటే బీపీ కూడా క్ర‌మంగా త‌గ్గుతుంది.

ఆకుప‌చ్చ‌ని కూర‌గాయ‌లు...

పీచు ప‌దార్థం, పొటాషియం, విట‌మిన్ సి, మెగ్నిషియం వంటి కీల‌క పోష‌కాలు ఆకుప‌చ్చ‌ని కూర‌గాయ‌ల్లో ఉంటాయి. ఇవి గుండెకు సంబంధించిన వ్యాధులు రాకుండా చూస్తాయి. బీపీని నియంత్రిస్తాయి. నిత్యం ఆకుప‌చ్చ‌ని కూర‌గాయ‌ల‌ను ఆహారంలో భాగం చేసుకుంటే బీపీ క్ర‌మంగా త‌గ్గిపోతుంది.

బీన్స్‌...

పీచు ప‌దార్థం, పొటాషియం, మెగ్నిషియం వంటి పోష‌కాలు బీన్స్‌లో ఉంటాయి. ఇవి హైబీపీని కంట్రోల్ చేసేందుకు ఉప‌యోగ‌ప‌డ‌తాయి. బీన్స్‌ను త‌ర‌చూ తీసుకుంటూ ఉంటే బీపీ త‌గ్గుతుంది.

కొబ్బ‌రి నీళ్లు...

హైబీపీ ఉన్న‌వారు త‌మ శ‌రీరం డీహైడ్రేట్ కాకుండా చూసుకోవాలి. అందుకోసం వారు నిత్యం క‌నీసం 10 గ్లాసుల నీటినైనా తాగాలి. అయితే నీరు అందుబాటులో లేక‌పోతే కొబ్బ‌రి నీళ్లు అందుకు ప్ర‌త్యామ్నాయంగా ప‌నిచేస్తాయి. ఎందుకంటే పొటాషియం, మెగ్నిషియం, విట‌మిన్ సి వంటి పోష‌కాలు ఉన్నందున కొబ్బ‌రి నీళ్ల‌ను తాగితే శ‌రీరానికి నీరు అంద‌డ‌మే కాదు, హై బీపీ వెంట‌నే అదుపులోకి వ‌స్తుంది.

పుచ్చ‌కాయ విత్త‌నాలు...

బీపీని నియంత్రించ‌డంలో పుచ్చ‌కాయ విత్త‌నాలు కూడా అద్భుతంగా ప‌నిచేస్తాయి. ప‌లువురు సైంటిస్టులు దీన్ని ప్ర‌యోగాత్మ‌కంగా నిరూపించారు కూడా. కొన్ని పుచ్చ‌కాయ విత్త‌నాల‌ను సేక‌రించి నీడ‌లో ఎండ‌బెట్టి పొడి చేయాలి. అనంత‌రం అంతే మొత్తంలో గ‌స‌గ‌సాల‌ను తీసుకుని పొడి చేసుకోవాలి. ఈ రెండింటినీ బాగా క‌లిపి ఆ మిశ్ర‌మాన్ని నిల్వ చేసుకోవాలి. దీన్ని ఉద‌యం, సాయంత్రం భోజనానికి ముందు 1 టీస్పూన్ చొప్పున తీసుకుని నీటిలో క‌లిపి తాగాలి. దీంతో బీపీ అదుపులోకి వ‌స్తుంది.

పరిసరాల్లో లభించే ఔషధ మొక్కలు 

మన పరిసరాల్లో లభించే ఔషధ మొక్కలను సరిగ్గా వాడుకోవడం లేదు. ఇంటి పరిసరాల్లో, పొలాలో, రోడ్ల వెంట ఉన్నటువంటి ఔషధ మొక్కలను గుర్తించి వాటిని ఉపయోగించుకున్నట్లయితే పలురకాల వ్యాధుల నుంచి బయట పడవచ్చని అంటున్నారు ప్రభుత్వ ఆయుర్వేదిక్ వైద్యాధికారులు. ఇటీవల బోనకల్లు మండలంలో డెంగ్యూ జ్వరాలతో ఎక్కువ మంది బాధపడుతున్నారు. ఈ క్రమంలో ఆయూష్‌శాఖ ఆధ్వర్యంలో ఆయుర్వేదిక్ మందులతో జ్వరా లను తగ్గించడం, రక్తకణాలు పెంపొందించేందుకు ఉపయోగపడే మొక్కల గురించి వైద్యాధికారులు డాక్టర్ లక్ష్మీనారాయణ, కటకం శ్రీనివాసరావు, సురేష్, జకోటియాలు వివరించారు. ఈ మొక్కల ఉపయోగాలతో జ్వరం తగలకుండా ఉండేలా దోహదపడతాయని, వాటిని ప్రజలు అవసరాల మేరకు ఉపయోగించుకోవాలని వివరించారు. నిత్యం గ్రామీణ ప్రాంతాల్లో కనిపించే నేలవేము, వామి, ఉసిరి, అర్థస్వరము, గుడూచి వంటి ఔషధ మొక్కల గురించి వారు క్షేత్రస్థాయిలో ప్రజలకు వివరించారు. మొక్కలు వాటి ఉపయోగాలు. 

వావిలి...

వావిలి చెట్టు అందరికీ తెలిసింది. ఇంటిచుట్టూ తడికలుగా పెంచిన ట్లయితే చెట్టు వాసనకు దోమల రాకుండా ఉంటాయి. అదేవిధంగా ఎండినవావి లాకులను ఇంటిలో పొగపెట్టిన దోమలు పూర్తిగా నివారించేందుకు ఉపయో గపడతాయి. వేడినీళ్లలో కొన్ని ఆకులు వేసి స్నానం చేస్తే వాతపు నొప్పులు, జ్వరం, నీరసం తగ్గుతాయి. ఆకులను దంచి వేడిచేసి అన్నిరకాల నొప్పులకు కట్టవచ్చు ఈ ఆకులను కాల్చినప్పడు వచ్చే పొగను పీలిస్తే జలుబు, తలనొప్పి తగ్గుతుంది. ఆకు కాషాయంతో బాలింతలకు స్నానం చేయిస్తారు. ఈనీటిని పుక్కిలిస్తే గొంతు నొప్పి, నోటిపూత తగ్గుతుంది. ఈ మొక్క15 నుంచి 20 అడుగుపెరుగుతుంది. ప్రస్తుత కాలంలో వావిలి చెట్టును పెంచుకుంటే దోమల నివారణకు దోహదపడుతుంది. 

ఉసిరి...

ఉసిరి చెట్టు అందరికీ పరిచయం ఉన్నప్పటికీ ఈ కాయలతో ముఖ్యంగా రోజు ఉసిరి పొడిని 1,2 గ్రాములు తింటే రోగ నిరోధక శక్తిని పెంచి శరీరంలోని అన్ని అవయవాలకు బలాన్ని ఇస్తుంది. ప్రపంచంలోనే అత్యంధికంగా సీ-విటమిన్‌కలిగిన ద్రవ్యంగా పేరుపొందినది. నిత్యం ఈ ఔషధాన్ని ఉపయోగిస్తే బీపీ, గుండెజబ్బు, క్యాన్సర్, కొలస్టాల్ తోపాటు జ్వరంతో కలిగే నీరసం, బల హీనతను తగ్గిస్తుంది. దీని కాయలను చూర్ణం కానీ, పచ్చకాయలు కానీ, ఆహారం రూపంలో తీసుకుంటే శరీరానికి ఎంతగానో ఉపయోగపడుతుంది. చాలా దేశాల్లో జన్మతో మొదలు అంతిమ సంస్కారం వరకు అన్ని కర్మలలో ఉసిరిని వాడతారు. 

అడ్డసరము(వాస)... 

ఇది ఒక మధ్యరకం చెట్టు. ఇంటి చుట్టూ ప్రహరీలా తడికలు కడితే పాములు రాకుండా ఉంటాయి. ఎండిన ఆకులు మురికినీటిలో వేస్తే ఆనీటిలో ఉన్న దోమల లార్వా నశించిపోతుంది. దీని ఆకు చూర్ణం చేసుకొని ఒక గ్రాము నుంచి రెండు గ్రాముల వరకు నీటిలో కలిపి తాగితే జ్వరంతో పాటు, వచ్చే దగ్గు, ఆయసం, నీరసం తగ్గుతుంది.

గుడూచి (తిప్పతీగ)...

ఇది తీగజాతికి చెందిన ఔషధపు మొక్క. ఇది ప్రతి గ్రామంలో పొలాల గట్లపై, కంపచెట్లపై తీగలా అల్లుకుపోతుంది. ఎక్కువగా ఈతీగ వేపచెట్లపైన పాకుతుంది. తీగను అమృత అని అంటారు. 5,6 తాజా ఆకులు మధుమేహం ఉన్నవారు రోజు తింటే మంచింది. ఈ తీగ జానెడు కాండంను తీసుకొని దంచి 100 గ్రాములు మంచినీటిలో వేసి కాశాయంగా కాచి తాగినైట్లెతే విషజ్వరాలు తగ్గడంతో పాటు, రక్తంలోని తెల్లకణాలు పెరుగుతాయి. చూర్ణంతో సొరియూసిస్, బొల్లి, చర్మవ్యాధులు తగ్గటానికి ఉపయోగపడుతుంది. దీర్ఘకాలిక, బంక విరోచనల నివారనకు దోహదపడుతుంది. 

నేలవేము...

ఇది చిన్నమొక్క విరివిగా దొరుకుతుంది. ఈ మొక్క పూర్తిగా ఎండబెట్టి చూర్ణం చేసి అరచెంచా నుంచి ఒక చెంచా వరకు వాడినట్లయితే అన్ని రకాల విషజ్వరాలు తగ్గడంతో పాటు, డెంగ్యూ, చికెన్‌గున్యా, మలేరియా, లాంటి రోగాలు తగ్గడానికి ఉపయోగపడతాయి. ఈ మొక్కలను ఔషధ మొక్కలుగా ఉపయోగించుకొని జ్వరాలు సోకిన వారు వాడినైట్లెతే ఆరోగ్యాన్ని పరిరక్షించుకొనే అవకాశం ఉంటుందని వారు తెలుపు తున్నారు. 

తృణధాన్యాలలో మంచి ఔషధ గుణాలు 

తృణధాన్యాలలో మంచి ఔషధ గుణాలు ఉంటాయి. కొన్ని సంవత్సరాలుగా తృణధాన్యాల వాడకం కనుమరుగైంది. కాని ఈ మధ్య కాలంలో వీటి వాడకం ఎక్కువ అయినట్టు కనిపిస్తుంది. తృణధాన్యాలు అంటే ధాన్యాలలో ఒక రకం. బెబ్బెర్లు, అనుములు, సజ్జలు, ఉల్వలు, గడ్డినువ్వులు, తైదలు, అవుశలు, కొరబియ్యం ఇవన్ని తృణధాన్యాల కోవకు చెందినవి. తృణధాన్యాలు శరీరీనికి ఆరోగ్యరీత్యా మంచిగుణాలు, సత్పలితాలు చూపిస్తాయి. ఈ ధాన్యా లు మంచి రుచితో పాటు ఔషధలుగా ఉపయోగపడతాయి. వీటిలో ఆరోగ్యంతో పాటు శరీర వృద్ధి పెంపొందిస్తాయి. కొన్ని ధాన్యాలు అంబలి చేసుకుని తాగితే అలసత్వం తొలగి ఉత్సాహాన్ని పెంపొందిస్తాయి. తృణధాన్యాలతో ఆరోగ్యం కాపాడుకోవచ్చని ఆయుర్వేద నిపుణులు తెలుపుతున్నారు. తృణధాన్యాలు వాటి ఉపయోగాల గురించి తెలుసుకుందాం.

సజ్జలు 

ఇవి చాలా పుష్టికరమైనవి. సజ్జలను నేతిలో వేయించి పొడి చేసి పిల్లలకు, బలహీనులకు పాలలో కలిపి తాగిస్తే దేహదారుడ్యాన్ని, మనోబుద్ధిని పెంపొందిస్తాయి. బెల్లంలో కలిపి తింటే రక్తహీనత తగ్గుతుంది.

బెబ్బెర్లు

బెబ్బెర్లు ఉడకబెట్టి తినడం వలన బాలింతలకు స్థనవృద్ధి కలుగుతోంది. ఆసిడిటీ (ఆమ్లపిత్తం)ను తగ్గించి, ఆకలిని వృద్ధి పరుస్తుంది. వాతాన్ని అరికడుతుంది. మహిళలకు ఋతుక్రమము సక్రమంగా వచ్చే విధంగా దోహదపడుతుంది. పురుషులలో వీర్యవృద్ధిని పెంపొదించే గుణం ఉంటుంది. మూత్రరోగాలను అరికడుతుంది. దేహపుష్టిని కలిగిస్తుంది. అలాగే బెబ్బెర్లను పిండి వంటల్లో వాడితే మంచి రుచినిస్తాయి.

తైదలు 

తైదలను అంబలిగా కాచి సేవిస్తే శరీరానికి చలువను ఇస్తుంది. ఎండాకాలంలో మంచి ఉపశమనాన్ని కలిగిస్తుంది. ఆకలి అదుపులో ఉంటుంది. తైదలలో లోహతత్వం ఉంటుంది. కాబట్టి రక్తం వృద్ధి చెందుతుంది. వెంట్రుకలకు బలాన్ని ఇచ్చి, తెల్ల వెంట్రుకలు రాకుండా కాపాడుతుంది.

గడ్డినువ్వులు

శరీరంలోని చలువను తగ్గించి వేడిని కలిగిస్తాయి.మంచి జీర్ణశక్తి కలుగుతుంది. నరాల బలహీనత ఉన్నవారికి పుష్టిని పెంపొందిస్తాయి.

ఉల్వలు

ఉలవలలో తెలుపు, నలుపు, ఎరుపు మూడు రంగులు ఉంటాయి. నల్ల ఉలవలు శ్రేష్టమైనవి. ఇవి మూత్రరోగాలను తగ్గిస్తాయి. మూత్రాశయంలో పెరిగిన రాళ్లను కరిగించే గుణం ఉంటుంది. 

అవుషలు

అవుషలు శరీరానికి వేడిని కలిగిస్తాయి. జలుబు, వాతాన్ని తగ్గిస్తాయి. గుండె జబ్బులు, రేచీకటిని హరింపజేస్తాయి. విరేచనాలను అరికడతాయి. 

కొరబియ్యం

శరీరంలో వేడిని పెంపొందిస్తుంది. జలుబును హరింపజేస్తుంది. జీర్ణశక్తిని పెంపొందిస్తుంది. విరిగిన ఎముకలను అతికింపజేసే శక్తి కలుగుతుంది. నారీకురుపులను తగ్గించే గుణం ఉంటుంది.

సోయాబీన్ 

సోయాబీన్‌లో మంసకృత్తులు ఎక్కువ గా ఉంటాయి. బలహీనవంతులకు శక్తిని స్తుంది. వీటిని రుబ్బి పాలను తీసి వంటల లో కూడా వాడుకోవచ్చు. అందుకే సోయాబీన్‌ను గరీబోళ్ల మాంసం అంటుంటారు.

అనుములు

అనుములను బుజించడం వలన వర్షాకాలంలో విషదోషాలను హరింపజేస్తాయి. బాలింతలలో పాలవృద్ధి పెంపొందిస్తా యి. విషం, వాపు, జలుబు నుం చి ఉపశమనంకలుగుతోంది.

                                                                                                              - www.seaflowdiary.blogspot.com